Mannanafnanefnd, úrskurður 1. apríl 2009

1.4.2009

FUNDARGERÐ

Ár 2009, miðvikudaginn 1. apríl, var haldinn símafundur í mannanafnanefnd. Viðstödd voru Kolbrún Linda Ísleifsdóttir, Ágústa Þorbergsdóttir og Veturliði G. Óskarsson. Neðangreind mál voru tekin fyrir:

4.         Mál nr. 26/2009          Eiginnafn:        Aðalrós  (kvk.)

Kveðinn er upp svohljóðandi úrskurður:

Eiginnafnið Aðalrós (kvk.) tekur beygingu í eignarfalli, Aðalrósar, og telst að öðru leyti uppfylla ákvæði 5. gr. laga nr. 45/1996 um mannanöfn.

Úrskurðarorð:

Beiðni um eiginnafnið Aðalrós  (kvk.) er samþykkt og skal nafnið fært á mannanafnaskrá.

- - - - - - - - - - - - - - - - - - - - - - - - - - - - - - - - - - -

Fleira var ekki tekið fyrir og fundi slitið.